بعلن ايماني .. ان شمال الرب تحت رؤوسنا ويمينه تعانقنا .. وحياتنا محمولة بأذرعه الابدية .. وليست موضوعة مع العالم في احضان سلطان الشرير .. 🙏

 فى سفر ميخا النبى .. وفى اسفار نبوية كتير .. كان الانبياء بيوصفوا الاشرار .. بشجرة العوسج ..

روحت ابص عليها .. لاقيتها لها انواع كتير ..

ولها مواصفات فعلا تتناسب مع الاشرار ..

الشجرة لها ثمر لونه احمر او احمر غامق .. حجمه مش كبير .. وطعمه جميل ..

بمجرد ما الشجرة بتوقع شوية ثمار على الارض .. اى حد ما يعرفهاش بيدوق الثمر ويلاقيه حلو .. يروح رايح ياخد منها هى نفسها ..

الشجرة دى اغصانها متداخلة حوالين بعض ومتشابكة عاملة زى المصيدة كدة ..

وكل ثمرة محاطة بأوراق والورقة حواليها شوكتين فى بعض الأنواع بيكونوا سامين وسمهم قوى ..

وده يفسر ليه اللى بيعجبه منتج الاشرار .. بيدخل لهم ومش بيطلع .. او بيطلع وهو مجروح ومتعرض لآذى شديد جدا او مستنزف وقرب يموت .. !!